Ons beleef dat ons in uitdagende Weskus omstandighede een van drie keuses het ten opsigte van ons finansiële bestuur. Aan die eenkant kan ons konserwatief begroot en fokus op oorlewing.  Ons sou hierdie benadering kon regverdig deur te verwys na die verantwoordelikheid wat ons het om ons fondse behoorlik te bestuur. Die teenpool is dat ons totaal liberaal begroot en amper blindelings op die Here vertrou vir dit wat ons benodig. Iewers tussen die pole is daar egter ‘n goue balans – diep afhanklikheid van God wat vra vir verantwoordelike finansiële bestuur.